https://qanunmedia.az/ tr Cəmiyyət - Qanunmedia.az DataLife Engine https://qanunmedia.az/cemiyyet/3299-bakidan-kurdmir-srnisin-qatari-yola-dusdu.html https://qanunmedia.az/cemiyyet/3299-bakidan-kurdmir-srnisin-qatari-yola-dusdu.html ]]>
Qanunmedia.az Trend-ə istinadən xəbər verir ki, Kürdəmirə qatarla səyahət edən ilk sərnişinlər media nümayəndələridir.

Kürdəmirə dəmir yolu ilə sərnişin daşınmasına isə aprelin 18-dən start veriləcək.

Bakı–Qazax–Bakı, Bakı–Balakən–Bakı, Bakı–Ağdam–Bakı, eləcə də həftəsonları və bayram günləri təyin olunan Bakı–Ağstafa–Bakı reysləri üzrə qatarlar Kürdəmir stansiyasında dayanacaq.

Bilet satışı 17 aprel tarixindən başlayır.

Xatırladaq ki, Kürdəmir istiqamətində sərnişindaşımanın təşkili ilə bağlı hazırlıq işlərinə bu ilin fevralında başlanılıb. ]]> admin Fri, 17 Apr 2026 09:10:01 +0400 https://qanunmedia.az/cemiyyet/3288-azrbaycanda-bzi-sxslrin-glirlrin-gor-vergi-qaydasi-dyisdi.html https://qanunmedia.az/cemiyyet/3288-azrbaycanda-bzi-sxslrin-glirlrin-gor-vergi-qaydasi-dyisdi.html ]]>
Qanunmedia.az Trend-ə istinadən xəbər verir ki, dəyişikliklər əsasən kameral və səyyar vergi yoxlamalarını əhatə edir.

Belə ki, mövcud qanunvericiliyə görə, əlilliyi olan şəxslərin müvafiq icra hakimiyyəti orqanının müəyyən etdiyi orqanın rəsmi internet saytı vasitəsilə elektron ticarət qaydasında əl işlərinin satışından əldə edilən gəlirlərindən xərclər çıxılmadan 2 % dərəcə ilə vergi tutulur.

Yeni qərara əsasən, Əmək və Əhalinin Sosial Müdafiəsi Nazirliyi Dayanıqlı və Operativ Sosial Təminat Agentliyi qismində yuxarıda nəzərdə tutulan satışlardan əldə edilən gəlirlərlə bağlı ödəmə mənbəyində vergini tutmağa və tutulan vergilər barədə rüb başa çatdıqdan sonra növbəti ayın 20-dən gec olmayaraq bəyannaməni vergi orqanına verməyə borclu olacaq.

Yuxarıda nəzərdə tutulan satışlardan əldə edilən gəlirlərdən xərclər çıxılmadan 2 faiz dərəcə ilə ödəmə mənbəyində verginin tutulması hallarının araşdırılması üçün Avtomatlaşdırılmış Vergi İnformasiya Sistemindən kənar qaydada kameral vergi yoxlamaları aparılacaq.

Ödəmə mənbəyində tutulan verginin yoxlanması zamanı yuxarıda nəzərdə tutulan satışlardan əldə edilən gəlirlərlə bağlı vergitutma obyektinin düzgün müəyyən edilməsi araşdırılmalıdır. ]]> admin Thu, 16 Apr 2026 09:57:51 +0400 https://qanunmedia.az/cemiyyet/3285-universitetlr-qbul-imtahaninin-ikinci-mrhlsin-qeydiyyat-baslayib.html https://qanunmedia.az/cemiyyet/3285-universitetlr-qbul-imtahaninin-ikinci-mrhlsin-qeydiyyat-baslayib.html ]]>
Qanunmedia.az Trend-ə istinadən xəbər verir ki, I, II, III və IV ixtisas qrupları üzrə qəbul imtahanının 2-ci mərhələsinin 1-ci cəhdində iştirak etmək istəyən abituriyentlər 2026-cı il aprelin 16-dan 29 aprel saat 23:59-dək şəxsi kabinetinin istifadəçi adı və parolundan istifadə etməklə DİM-in müvafiq internet səhifəsinə (https://eservices.dim.gov.az/erizebak/cehd1/) daxil olaraq imtahan vermək istədikləri ixtisas qrupunu seçib qeydiyyatdan keçməlidirlər.

Bu il tədris dili, riyaziyyat və xarici dil fənləri üzrə buraxılış imtahanı vermiş, lakin 18 fevral – 5 mart tarixlərində aparılan ərizə qəbulunda iştirak etməyən cari ilin məzunlarının müraciətləri nəzərə alınaraq onların da I, II, III və IV ixtisas qrupları üzrə qəbul imtahanının ikinci mərhələsində iştirak etmək üçün qeydiyyatdan keçməsinə imkan yaradılıb.

Müsabiqədə iştirak ödənişlidir. ]]> admin Thu, 16 Apr 2026 09:37:22 +0400 https://qanunmedia.az/cemiyyet/3283-bu-gun-mastaga-v-ramanada-isiq-ksilck.html https://qanunmedia.az/cemiyyet/3283-bu-gun-mastaga-v-ramanada-isiq-ksilck.html ]]>
Qanunmedia.az Trend-ə istinadən xəbər verir ki, bu barədə "Azərişıq" ASC-dən məlumat verilib.

Bildirilib ki, Maştağa ETSİ-nin ərazisində 35/6 kV-luq 492 saylı yarımstansiyada yeni 16 MVA gücündə transformator dövrəyə qoşulacaq.

Məlumata görə, yenidənqurma işi ilə əlaqədar saat 12:00-dan 16:00-dək Maştağa, Ramana qəsəbələrinin və Savalan daş karxanası yaşayış ərazisinin bir hissəsində elektrik enerjisinin verilişində məhdudiyyət yaranacaq. Təmir və yenidənqurma işləri yekunlaşdıqdan sonra həmin ərazilər daha keyfiyyətli elektrik enerjisi ilə təmin olunacaq. ]]> admin Thu, 16 Apr 2026 09:01:18 +0400 https://qanunmedia.az/cemiyyet/3275-naxcivanda-kecn-il-1-shid-ailsin-mnzil-verilib.html https://qanunmedia.az/cemiyyet/3275-naxcivanda-kecn-il-1-shid-ailsin-mnzil-verilib.html ]]>
Qanunmedia.az Trend-ə istinadən xəbər verir ki, il ərzində Naxçıvan şəhərində yerləşən çoxmənzilli binada 3 müharibə əlilliyi olan şəxsə və 1 şəhid ailəsinə mənzil verilib.
Hazırda muxtar respublika üzrə 156 imtiyazlı şəxs mənzil uçotundadır. Onların 67-si şəhid ailəsi üzvü, 81-i müharibə əlili, 5-i Çernobıl əlili, 3-ü isə gözdən əlilliyi olan şəxslərdir. Bu şəxslərdən 61 nəfərin artıq faktiki mənzilə ehtiyacı olduğu müəyyən edilib.

Sosial dəstək yalnız mənzillə məhdudlaşmayıb. Belə ki, 2025-ci ildə Dəstək Fondu tərəfindən 190 şəhid ailəsi üzvünə, 75 müharibə veteranına və 135 müharibə əlilliyi olan şəxsə yardım göstərilib. Bu məqsədlə ümumilikdə 252,7 min manat vəsait xərclənib. ]]> admin Wed, 15 Apr 2026 09:37:38 +0400 https://qanunmedia.az/cemiyyet/3273-bir-sira-yollarda-endiriln-surt-hddi-vvlki-vziyytin-qaytarilib.html https://qanunmedia.az/cemiyyet/3273-bir-sira-yollarda-endiriln-surt-hddi-vvlki-vziyytin-qaytarilib.html ]]>
Qanunmedia.az Trend-ə istinadən xəbər verir ki, bu barədə Nəqliyyatı İntellektual İdarəetmə Mərkəzindən məlumat verilib.
Qeyd edək ki, dünən axşam saatlarında hava şəraiti ilə əlaqədar olaraq Zığ dairəsi-Hava Limanı yolunda sürət həddi 20 km/saat, Heydər Əliyev prospekti-Mərdəkan körpüsünə qədər olan yolda isə bütün zolaqlar üzrə sürət həddi 20 km/saat endirilmişdi. ]]> admin Wed, 15 Apr 2026 09:25:18 +0400 https://qanunmedia.az/cemiyyet/3263-bu-gun-gorkmli-oftalmoloq-alim-akademik-zrif-liyevanin-anim-gunudur.html https://qanunmedia.az/cemiyyet/3263-bu-gun-gorkmli-oftalmoloq-alim-akademik-zrif-liyevanin-anim-gunudur.html ]]>
Qanunmedia.az Trend-ə istinadən akademik Zərifə Əliyevanın anım günündə onun həyat və fəaliyyətinin bəzi məqamlarına nəzər salır.

Qədim Naxçıvanın Şahtaxtı kəndində dünyaya göz açmış Zərifə Əliyeva zəngin və mənalı ömür yaşayıb. Atası - görkəmli ictimai və dövlət xadimi Əziz Əliyevin ömür yolu onun üçün əsl həyat məktəbi olub. Zərifə xanım müasir müstəqil Azərbaycan dövlətinin memarı və qurucusu Ümummilli Lider Heydər Əliyevin ömür-gün yoldaşı, dostu və silahdaşı idi. Vaxtilə ata evində görüb-götürdükləri respublikanın birinci şəxsinin xanımı olduğu zamanlarda köməyinə çatıb. O, Ulu Öndərə mənəvi dayaq, arxa olub.

Akademik Zərifə Əliyevanın tədqiqatları, alim kimi qazandığı böyük uğurlar Azərbaycan tibb elminin tarixində xüsusi mərhələ təşkil edir. O, Azərbaycan Tibb İnstitutunu bitirəndən sonra təhsilini Moskvada, Həkimləri Təkmilləşdirmə İnstitutunda davam etdirib. Əmək fəaliyyətinə 1949-cu ildə Azərbaycan Elmi-Tədqiqat Həkimləri Təkmilləşdirmə İnstitutunda elmi işçi kimi başlayıb və bütün ömrünü tibbin oftalmologiya sahəsinə həsr edib.

1940-1950-ci illərdə Azərbaycanda göz xəstəlikləri, xüsusən traxoma geniş yayılmışdı. İnsanları bu bəladan xilas etmək, eləcə də digər aktual problemə - gözün peşə xəstəliklərinə dair fundamental tədqiqatlar aparmaq, onların effektli müalicə metodlarını və profilaktik tədbirləri işləyib-hazırlamaq lazım idi. Beləliklə, gənc tədqiqatçının elmi araşdırmalarının mövzusunu həyat özü müəyyənləşdirir və o, elmi istiqamətlərinin ilkin mərhələsini traxomanın müalicəsinə həsr edir. Bu xəstəliyin daha geniş yayıldığı rayonlara gedir, xəstəlik ocaqlarını aşkarlayır, göz həkimlərinə mühazirələr oxuyur, əhali arasında söhbətlər aparırdı.

Çox keçmədən Zərifə xanım traxoma xəstəliyinin başlanğıc dövründə sintomisinin tətbiqində uğurlu nəticələrə nail oldu. Tədqiqatlarının yekunu olaraq 1959-cu ildə “Traxomanın digər terapiya üsulları ilə birlikdə sintomisinlə müalicəsi” mövzusunda namizədlik dissertasiyasını uğurla müdafiə etdi. Onun təklif etdiyi müalicə metodu respublikamızda geniş tətbiq olundu və traxomanın bir xəstəlik kimi aradan qalxmasında mühüm rol oynadı.

Zərifə xanımın oftalmoloq-alim kimi diqqət yetirdiyi aktual problemlər sırasında diaqnostika, qlaukomanın və görmə orqanının iltihabının müalicəsi xüsusi yer tuturdu. O, oftalmologiyanın elmi cəhətdən az araşdırılmış sahəsi - görmə orqanının peşə patologiyasını dərindən tədqiq edib. Bu problemin aktuallığı yalnız kimya və elektronika sənayesinin geniş inkişafı ilə deyil, həm də bir çox yeni kimyəvi birləşmələrin görmə orqanına təsirinin tədqiqi ilə əlaqədar idi. Zərifə xanım bu sahənin ilk tədqiqatçısı olub. O, dünyada ilk dəfə olaraq görmə orqanının peşə patologiyasını araşdıran elmi-tədqiqat laboratoriyası yaradıb və elm aləmində yeni bir istiqamətin - peşə oftalmologiyasının əsasını qoyub. Bu sahəyə dair araşdırmalarının ilkin nəticələrini ümumiləşdirərək “Azərbaycanın kimya sənayesi işçilərində görmə orqanının vəziyyəti” mövzusunda doktorluq dissertasiyası yazıb. 1977-ci ildə ona tibb elmləri doktoru alimlik dərəcəsi verilib.
Gərgin və məhsuldar elmi fəaliyyətinə görə 1980-ci ildə “Əməkdar elm xadimi” fəxri adına layiq görülüb. Görkəmli alimin respublikanın iri sənaye müəssisələrində apardığı genişmiqyaslı elmi-tədqiqat işləri “Şin istehsalında gözün peşə patologiyası”, “Xroniki yod intoksikasiyası zamanı oftalmologiya” və “Yod sənayesində gözün peşə xəstəliyinin profilaktikası” kimi dəyərli monoqrafiyalarında öz əksini tapıb. 1981-ci ildə görmə orqanının peşə patologiyası sahəsində apardığı elmi-tədqiqat işlərinin uğurlu nəticələrinə və oftalmologiyanın inkişafına verdiyi töhfələrə görə ona keçmiş ittifaqın oftalmologiya sahəsində ən mötəbər mükafatı olan SSRİ Tibb Elmləri Akademiyasının M.İ.Averbax adına mükafatı verilib. O, həmin mükafata layiq görülən ilk qadın alim idi.

Zərifə Əliyeva 1983-cü ildə Azərbaycan Elmlər Akademiyasının həqiqi üzvü seçilib. O, həmçinin bir sıra dərs vəsaiti və monoqrafiyaların müəllifidir: “Kəskin virus konyunktivitləri”, “Keratitlər, gözün damarlı traktının, torlu qişanın, görmə sinirinin xəstəlikləri, kataraktalar”, “Qlaukoma və gözün hipertenziyası”, “Görmə orqanının zədələnməsi”, “Göz yaşı axmasının fiziologiya və histologiyası”, “Şəkərli diabetdə göz xəstəlikləri”, “Gözün mikrocərrahiyyəsi”, “Göz bəbəyi haşiyəsinin adaptasiya və müdafiə funksiyası” və sair. Alimin “Yaşaparıcı yolların fiziologiyası”, “Yaşaparıcı yolların cərrahi müalicəsi”, “Göz yaşı yollarının qoruyucu cərrahiyyə üsulları” və digər əsərləri bu gün də aktuallığını qoruyub saxlayır. O, iridodiaqnostika və iridoterapiya problemləri ilə də məşğul olub, bu sahəyə dair iki monoqrafiya hazırlayıb. Dünya miqyasında iridodiaqnostikaya aid kitabları ilk dəfə Zərifə xanım Əliyeva yazıb.

Zərifə xanımın həkimlik sənəti ilə bağlı bir fikri də diqqəti cəlb edir: “Həkim insanın ən doğma adamıdır. O, insanlardan özünü ayırmamalı, özünü sevən, laqeyd insan olmamalıdır”.

Akademik Zərifə Əliyeva həm də görkəmli ictimai xadim idi. O, keçmiş SSRİ Sülhü Müdafiə Komitəsinin üzvü, Azərbaycan Sülhü Müdafiə Komitəsi sədrinin müavini, Ümumittifaq “Bilik” Cəmiyyəti İdarə Heyətinin, Ümumittifaq Oftalmoloqlar Elmi Cəmiyyəti Rəyasət Heyətinin üzvü olub. Xalq yazıçısı Elmira Axundovanın “Zərifə və Heydər Əliyevlər - Əbədiyaşar məhəbbət” kitabında oxuyuruq: “Özü də çoxsaylı vəzifələrinin heç birinə qətiyyən formal yanaşmırdı. Məsələlərin müzakirəsində şəxsən iştirak edir, onların uğurlu həlli üçün bilik, qüvvə və enerjisini əsirgəmirdi.

Bu zaman çalışırdı ki, gündəlik həyatının işlə bağlı tərəfi heç bir halda qadın və ana kimi üzərinə düşən vəzifələri üstələməsin. Bəzən Zərifə xanım elmi və ictimai işlərin ailəsinə, övladlarına ayıra biləcəyi vaxtı əlindən aldığına görə özünü günahkar hiss edirdi”.

Zərifə xanımın fəxri adları, elmi titulları, mükafatları olduqca çoxdur. Bu adların hər biri qürur, iftixar mənbəyidir. Amma bu adlar sırasında ən şərəflisi Ana adıdır. Zərifə xanım Ümummilli Lider Heydər Əliyevin siyasi xəttinin layiqli davamçısı Prezident İlham Əliyevin anasıdır.

Müasirlərinin dediyi kimi, Zərifə xanım qeyri-adi bir ana idi və övladlarına olan münasibət də xüsusi idi. Belə münasibətin bənzərini tapmaq çətindir. O, uşaqları sanki Ulu Tanrı tərəfindən bəxş olunan bir nur payı kimi qəbul edirdi. Özünə rəhm etmirdi, analıq borcunu yerinə yetirməkdə də özünə rəhmi gəlmirdi. Hərdən analar uşaqlarına olan məhəbbətdə elə yüksək dərəcələrə çatırlar ki, bununla hamını heyrətə gətirirlər. Zərifə xanım məhz belə analardan idi. ]]> admin Wed, 15 Apr 2026 00:05:19 +0400 https://qanunmedia.az/cemiyyet/3251-mudafi-nazirliyi-agdrd-partlayis-sslri-olacaq.html https://qanunmedia.az/cemiyyet/3251-mudafi-nazirliyi-agdrd-partlayis-sslri-olacaq.html ]]>
Qanunmedia.az Trend-ə istinadən xəbər verir ki, bu barədə Müdafiə Nazirliyi məlumat yayıb.

"Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq", - məlumatda bildirilib. ]]> admin Mon, 13 Apr 2026 09:05:03 +0400 https://qanunmedia.az/cemiyyet/3243-azrbaycanda-dasimalar-ucun-yeni-gomruk-mexanizmi-hazirlanir.html https://qanunmedia.az/cemiyyet/3243-azrbaycanda-dasimalar-ucun-yeni-gomruk-mexanizmi-hazirlanir.html ]]>
Qanunmedia.az Trend-ə istinadən xəbər verir ki, ilin sonunadək bununla bağlı normativ hüquqi baza təkmilləşdiriləcək.

Belə ki, Dövlət Gömrük Komitəsi Rəqəmsal İnkişaf və Nəqliyyat Nazirliyi ilə birlikdə 2026-cı il dekabrın 1-dək gömrük məqsədləri üçün beynəlxalq daşımalarda əvvəlcədən məlumatlandırma sisteminin qurulması məqsədilə normativ hüquqi bazanı təkmilləşdirilməlidir.
Qeyd edək ki, gömrük məqsədləri üçün beynəlxalq daşımalarda əvvəlcədən məlumatlandırma sisteminin qurulması Prezident İlham Əliyevin Sərəncamı ilə təsdiq edilən “Etibarlı Tərəfdaş Konsepsiyası”nda öz əksini tapıb.

Konsepsiyada Dövlət Gömrük Komitəsinə İqtisadiyyat Nazirliyi və Rəqəmsal İnkişaf və Nəqliyyat Nazirliyi ilə birlikdə 2026-2028-ci illərdə daşıyıcılara dair normativ hüquqi bazanın təkmilləşdirilməsi, malların və nəqliyyat vasitələrinin dövlət sərhədindən buraxılış məntəqələrindən sürətli keçidinin təmin olunması və çevik gömrük nəzarətinin həyata keçirilməsi məqsədilə beynəlxalq daşımalarda əvvəlcədən məlumatlandırma sisteminin hazırlanması, daşıyıcılar tərəfindən əvvəlcədən təqdim olunan məlumatların gömrük sisteminə inteqrasiyasının təmin edilməsi tapşırılıb. ]]> admin Fri, 10 Apr 2026 09:05:50 +0400 https://qanunmedia.az/cemiyyet/3234-azrbaycanda-gomrukd-mallarin-buraxilisina-yeni-mexanizm-ttbiq-olunacaq.html https://qanunmedia.az/cemiyyet/3234-azrbaycanda-gomrukd-mallarin-buraxilisina-yeni-mexanizm-ttbiq-olunacaq.html ]]>
Qanunmedia.az Trend-ə istinadən xəbər verir ki, ilin sonunadək bununla bağlı normativ hüquqi baza hazırlanacaq.

Belə ki, Dövlət Gömrük Komitəsi 2026-cı il dekabrın 1-dək saxlanc xərclərinin azaldılması və malların istehlakçıya daha sürətli şəkildə çatdırılması nəticəsində biznes proseslərin çevikliyinin artırılmasına şərait yaradacaq malların ikipilləli buraxılışına dair normativ hüquqi bazanın hazırlanmasını başa çatdırmalıdır.

Qeyd edək ki, malların ikipilləli buraxılış sisteminin tətbiqi Prezident İlham Əliyevin Sərəncamı ilə təsdiq edilən “Etibarlı Tərəfdaş Konsepsiyası”nda öz əksini tapıb.

Konsepsiyada Nazirlər Kabinetinə Dövlət Gömrük Komitəsi, İqtisadiyyat Nazirliyi və Maliyyə Nazirliyi ilə birlikdə 2026-2028-ci illərdə etibarlı tərəfdaşların gömrük ödənişlərinin ödənilməsi prosesində ikipilləli buraxılış sisteminin tətbiqi üçün beynəlxalq təcrübənin araşdırılması, malların ikipilləli buraxılışına dair normativ hüquqi bazanın formalaşdırılması və malların ikipilləli buraxılış sisteminin etibarlı tərəfdaşlara münasibətdə tətbiqinin həyata keçirilməsi tapşırılıb. ]]> admin Thu, 09 Apr 2026 09:40:14 +0400