Tərəflər Ukraynada, o cümlədən Qara dənizdə atəşkəsə yaxındırlar və bundan sonra münaqişənin həlli ilə bağlı gələcək məsələlərin müzakirəsinə başlaya biləcəklər.
Qanunmedia.az Trend-ə istinadən xəbər verir ki, bu barədə ABŞ Dövlət Departamentinin mətbuat katibi Tammi Bryus deyib.
"Biz buna yaxınıq, heç vaxt tam atəşkəsə indiki qədər yaxın olmamışıq", - deyə o bildirib.
O əlavə edib ki, ABŞ Qara dənizdə atəşkəs də daxil olmaqla Rusiya və Ukrayna ilə birgə işləyir.
Onun sözlərinə görə, bundan sonra tərəflər gələcək məsələləri müzakirə etməyə başlaya biləcəklər.