ABŞ Prezidenti Donald Tramp Ukrayna Prezidenti Volodimir Zelenskidən danışıqlara hazır olması ilə bağlı məktub aldığını deyib.
Qanunmedia.az Trend-ə istinadən xəbər verir ki, bu barədə Tramp, Konqresdəki çıxışında danışıb.
Tramp bildirib ki, Zelenski məktubunda Ukraynanın istənilən vaxt "resurs sazişi"ni imzalamağa hazır olduğunu qeyd edib:
“Mən Ukrayna Prezidenti Zelenskidən vacib məktub aldım. Məktubda deyilir: “Ukrayna mümkün qədər tez danışıqlar masasına oturmağa hazırdır. Faydalı qazıntılar və təhlükəsizlik üzrə sazişə gəlincə, Ukrayna sizin üçün əlverişli olan istənilən vaxt onu imzalamağa hazırdır”.