https://qanunmedia.az/ tr Mədəniyyət - Qanunmedia.az DataLife Engine https://qanunmedia.az/medeniyyet/3279-akinak-tarixi-bdii-filminin-premyerasi-boyuk-maraqla-qarsilanib.html https://qanunmedia.az/medeniyyet/3279-akinak-tarixi-bdii-filminin-premyerasi-boyuk-maraqla-qarsilanib.html ]]> Qanunmedia.az Trend-ə istinadən xəbər verir ki, tədbirdə Heydər Əliyev Mərkəzinin direktoru Anar Ələkbərov, mədəniyyət naziri Adil Kərimli, tanınmış mədəniyyət və incəsənət xadimləri iştirak ediblər.

Mədəniyyət Nazirliyi və Azərbaycan Respublikası Kino Agentliyinin dəstəyi ilə “Narimanfilm” MMC tərəfindən istehsal olunan ekran əsərinin quruluşçu rejissoru Əməkdar incəsənət xadimi Elxan Cəfərov, ssenari müəllifləri İlqar Safat, Azər Ziyadlı, İrəvani və Lətif Lətifsoy, quruluşçu operatoru Ruslan Ağazadədir.

Fentezi elementləri ilə zəngin olan tarixi macəra filmində Azərbaycanın qədim dövlətçilik keçmişinə tamamilə yeni ideoloji prizmadan yanaşılır. Ekran əsəri əsasən gənc auditoriya üçün nəzərdə tutulsa da, süjet xətti və vizual həlli ilə bütün yaş qruplarından tamaşaçıların marağına səbəb olacaq.

Filmdə hadisələr indiki Azərbaycan ərazilərində vaxtilə mövcud olmuş qədim İşquz (İç Oğuz) dövlətində cərəyan edir. Düşmən hücumuna məruz qalan dövləti və xalqı xilas etmək üçün vaxtilə Göylərdən göndərilmiş dörd müqəddəs əmanətdən biri olan "Akinak" qılıncını tapmaq lazımdır. Bu ağır və taleyüklü missiyanı yerinə yetirmək üçün dörd cəsur gənc təhlükələrlə dolu yola çıxır. Onlar hədəfə çatmaq üçün həm real düşmənlərlə, həm də onların qurduğu qaranlıq tilsimlərlə mübarizə aparmalı olurlar.

Filmin premyerası böyük maraqla qarşılanıb, yaradıcı heyət alqışlarla səhnəyə dəvət olunub.

Qeyd edək ki, bədii film may ayından etibarən ölkənin bütün kinoteatrlarında geniş tamaşaçı kütləsinə təqdim olunacaq.

Tədbir zamanı, həmçinin Mədəniyyət Nazirliyi və Azərbaycan Respublikası Kino Agentliyinin dəstəyi ilə hazırlanan və bu il təqdimatları keçiriləcək animasiya və filmlərin treylerləri nümayiş etdirilib.

Ekran əsərinin quruluşçu rejissoru, Əməkdar incəsənət xadimi Elxan Cəfərov AZƏRTAC-a açıqlamasında filmin qədim tariximizə ekskursiya olduğunu deyib: "Filmdəki hadisələr təqribən eramızdan əvvəl VIII-VII əsrlərə aiddir. Əlbəttə tarixi bilmək, keçmişimizə arxalanıb irəliyə getmək daha məqsədəuyğundur. Filmdəki Ata Arbak obrazı qədim dildə idarəçi, rəhbər deməkdir, Qoytasar bizim qədim türk mədəniyyətinə, türk tarixinə aid bir personajdır. Ekran işindəki qəhrəmanlar daha çox mifik personajlardır. Yəni film sırf tarixi deyil, macəra və nağıl filmidir. Daha çox gənclər və yeniyetmələr üçün nəzərdə tutulub. Çox istərdik ki, ilk növbədə məhz gənc nəsil və yeniyetmələrimiz filmi izləsin, dəyərləndirsin və ondan bəhrələnsinlər".

Ekran işinin çoxkoloritli olduğunu qeyd edən bəstəkar-musiqişünas Məryəm Əlibəyli isə deyib: "Mənim öhdəmə düşən məsuliyyət Azərbaycanın tarixi, qədimliyi ilə bağlı özəllikləri film üçün bəstələdiyim musiqilərə yansıtmaq idi. Azərbaycan kino ənənələri musiqisindən kənara çıxmamaq şərti ilə musiqilər yaratdım. Burada bir çox qədim alətlərdən istifadə olunub. Yallı janrında da musiqi bəstələnib. Musiqiləri filmin süjet xəttinə uyğun yazaraq onun gözəlliyinə bir az da ahəng qatmağa çalışmışam. Ümid edirəm ki, hər kəs ekran işindən məmnun olacaq və Azərbaycan filminin möhtəşəmliyini görəcək". ]]> admin Thu, 16 Apr 2026 02:15:58 +0400 https://qanunmedia.az/medeniyyet/2448-bu-il-klbcr-razisind-qeydiyyata-alnan-tarix-mdniyyt-abidlrinin-say-acqlanb.html https://qanunmedia.az/medeniyyet/2448-bu-il-klbcr-razisind-qeydiyyata-alnan-tarix-mdniyyt-abidlrinin-say-acqlanb.html ]]>
Qanunmedia.az Trend-ə istinadən xəbər verir ki, bu barədə Mədəni İrsin Qorunması, İnkişafı və Bərpası üzrə Dövlət Xidmətindən bildirilib.

Qeyd edilib ki, artıq həmin yeni aşkar edilmiş abidələrdən də 10-u cari ildə qanunvericiliyə uyğun olaraq, daşınmaz tarix-mədəniyyət abidələrinin siyahısına daxil edilib.
Qurumdan əlavə edilib ki, İşğaldan azad olunmuş ərazilərdə, o cümlədən antiterror tədbirlərindən sonra nəzarətə götürülmüş ərazilərdə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti tərəfindən 550 abidənin, eləcə də 402 tarixi, memarlıq və arxeoloji əlamət kəsb edən yeni aşkar edilmiş abidənin inventarlaşdırması həyata keçirilib.

Məlumat üçün bildirək ki, 2025-ci ildə işğaldan azad olunmuş ərazilərdə yerləşən 44 yeni aşkar edilmiş abidə daşınmaz tarix-mədəniyyət abidələrinin siyahısına əlavə edilib. ]]> admin Wed, 26 Nov 2025 12:40:36 +0400 https://qanunmedia.az/medeniyyet/2333-heydr-liyev-fondunun-dstyi-il-alnan-musiqi-altlrinin-tqdimat-olub.html https://qanunmedia.az/medeniyyet/2333-heydr-liyev-fondunun-dstyi-il-alnan-musiqi-altlrinin-tqdimat-olub.html ]]>
Qanunmedia.az Trend-ə istinadən xəbər verir ki, Heydər Əliyev Mərkəzində keçirilən təqdimat mərasimində layihə çərçivəsində alınan musiqi alətləri nümayiş olunub.

Heydər Əliyev Fondunun vitse-prezidenti Leyla Əliyeva, Arzu Əliyeva və Alena Əliyeva tədbirdə iştirak ediblər.

Layihə çərçivəsində Bakı ilə yanaşı, regionlardakı bir sıra musiqi məktəbləri üçün 11 adda 70-dən çox musiqi aləti alınıb. Bunların sırasında tar, kamança, qanun, nağara kimi milli alətlərlə yanaşı, skripka, violonçel, royal, pianino və digərləri yer alır. Bu musiqi alətləri həm yerli ustaların əl işləri, həm də musiqi alətlərinin istehsalı sahəsində dünyanın aparıcı ölkələrindən sifariş olunan nümunələrdir. O cümlədən “Carlovy” violonçel və skripkaları, Avropanın akustik piano və royalların istehsalı sahəsində başlıca firması olan “Petrof” royalları, “Yamaha” pianoları bu musiqi alətləri sırasındadır.

Təqdimat mərasimində çıxış edən mədəniyyət naziri Adil Kərimli Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın təşəbbüsü ilə reallaşan layihənin paytaxt və regionlardakı musiqi məktəblərində təhsilin inkişafına dəstək baxımından əhəmiyyətindən danışıb. Heydər Əliyev Fondunun mədəniyyətə, mədəniyyət və incəsənət xadimlərinə, xüsusilə də gənc istedadların inkişafına və təhsilinə göstərdiyi daimi dəstəyə görə təşəkkürünü bildirib.

Sonra Mədəniyyət Nazirliyinin tabeliyindəki musiqi məktəblərinin şagirdlərinin iştirakı ilə konsert olub. ]]> admin Thu, 30 Oct 2025 23:50:02 +0400 https://qanunmedia.az/medeniyyet/1951-xalq-yazcs-elcin-fndiyev-vfat-edib.html https://qanunmedia.az/medeniyyet/1951-xalq-yazcs-elcin-fndiyev-vfat-edib.html ]]>
Qanunmedia.az Trend-ə istinadən xəbər verir ki, Mədəniyyət Nazirliyindən verilən məlumata görə, görkəmli yazıçı, nasir, dramaturq, tənqidçi, ədəbiyyatşünas, filologiya elmləri doktoru, professor, Azərbaycan Yazıçılar Birliyinin üzvü, Azərbaycan Respublikasının Xalq yazıçısı (1998), “İstiqlal” ordenli (2003), dövlət və ictimai xadim Elçin İlyas oğlu Əfəndiyev 2025-ci il avqustun 3-də, ömrünün 82-ci ilində vəfat edib.

Elçin Əfəndiyev 1943-cü il mayın 13-də Bakı şəhərində anadan olmuşdur. O, yaradıcılığa ötən əsrin 60-cı illərində başlamış və Azərbaycan ədəbiyyatında xüsusi yer tutan “60-cılar” ədəbi nəslinin ən aparıcı nümayəndələrindən biri olmuşdur. Yazıçı milli ədəbiyyata yeni ab-hava, yeni dəyərlər və bədii ifadə vasitələri gətirmiş, ədəbi mühitin inkişafında müstəsna rol oynayıb.

Onun nəsr əsərləri, hekayə və povestləri onlarla xarici ölkədə tərcümə edilərək nəşr olunmuş, Azərbaycan ədəbiyyatının beynəlxalq səviyyədə təbliğində mühüm rol oynamışdır. Elçin Əfəndiyev milli ədəbiyyatımızı xaricdə layiqincə təmsil edən ən tanınmış simalardan biri olub.

Elçin Əfəndiyevin zəngin yaradıcılığında romanlar, povestlər, pyeslər və elmi-tənqidi əsərlər xüsusi yer tutur. Onun “Mahmud və Məryəm”, “Ağ dəvə”, “Baş”, “Bayraqdarlar” kimi əsərləri Azərbaycan ədəbiyyatının qızıl fonduna daxil olmuşdur. Dramaturgiya sahəsində də məhsuldar fəaliyyəti ilə fərqlənən yazıçının səhnə əsərləri həm ölkə, həm də xarici teatrların repertuarında geniş yer alıb.
Elçin Əfəndiyev yalnız yazıçı kimi deyil, həm də ictimai-siyasi xadim kimi Azərbaycan dövlətçiliyinin və mədəniyyətinin inkişafında böyük xidmətlər göstərmişdir. O, 1993–2018-ci illərdə Azərbaycan Respublikası Baş Nazirinin müavini vəzifəsində çalışaraq ölkənin ictimai-siyasi və mədəni həyatında mühüm rol oynamışdır. Bununla yanaşı, 1980-ci illərin sonlarında “Vətən” cəmiyyətinin sədri kimi xaricdə yaşayan azərbaycanlıların birliyinin və tarixi vətənlə əlaqələrinin möhkəmlənməsində, diaspor hərəkatının formalaşmasında əvəzsiz xidmətlər göstərib.

Azərbaycan ədəbiyyatında və mədəniyyətində müstəsna xidmətlərinə görə “İstiqlal” ordeni və digər yüksək dövlət mükafatları ilə təltif olunub.

Mədəniyyət Nazirliyi Elçin Əfəndiyevin vəfatından kədərləndiyini bildirir, mərhumun ailəsinə və yaxınlarına dərin hüznlə başsağlığı verir. Onun zəngin irsi və böyük xidmətləri xalqımızın yaddaşında əbədi yaşayacaqdır.

Allah rəhmət eləsin ]]> admin Sun, 03 Aug 2025 13:20:42 +0400 https://qanunmedia.az/medeniyyet/1527-tacikistanda-azrbaycan-mdniyyti-gunlri-kecirilck.html https://qanunmedia.az/medeniyyet/1527-tacikistanda-azrbaycan-mdniyyti-gunlri-kecirilck.html ]]>
Qanunmedia.az Trend-ə istinadən xəbər verir ki, bu barədə Azərbaycan Mədəniyyət Nazirliyindən bildirilib.

Vurğulanır ki, Mədəniyyəti Günləri strateji tərəfdaş olan ölkələrimizin daha da yaxınlaşmasına, mədəni mübadiləyə yeni töhfələr verəcək.

Qeyd edək ki, 2007-ci ildə Azərbaycanda ilk dəfə Tacikistan Mədəniyyət Günləri, 2008-ci ildə isə dost ölkədə mədəniyyət günlərimiz gerçəkləşib.

Sonrakı dövrdə qarşılıqlı olaraq kitab sərgilərində iştirak, eyni zamanda iki ölkənin yaradıcı kollektivlərinin səfərləri, nəhayət, 2024-cü ilin may ayında Bakı və Gəncə şəhərlərində təşkil olunan Tacikistan Mədəniyyəti Günləri iki ölkə arasında mədəni əlaqələrin tərəqqisinin göstəricisidir. ]]> admin Sun, 18 May 2025 06:30:11 +0400 https://qanunmedia.az/medeniyyet/1493-dovlt-kamera-orkestrin-yeni-direktor-tyin-olunub.html https://qanunmedia.az/medeniyyet/1493-dovlt-kamera-orkestrin-yeni-direktor-tyin-olunub.html ]]>
Qanunmedia.az Trend-ə istinadən xəbər verir ki, bu barədə Mədəniyyət Nazirliyi məlumat yayıb.

Bildirilib ki, Azərbaycan Respublikasının mədəniyyət naziri Adil Kərimli bununla bağlı müvafiq əmr imzalayıb.

Əmrə əsasən, pianoçu, sənətşünaslıq üzrə fəlsəfə doktoru Leyla Quliyeva Azərbaycan Dövlət Kamera Orkestrinin direktoru vəzifəsinə təyin olunub.

Leyla Quliyeva Bülbül adına Orta İxtisas Musiqi Məktəbində fortepiano ixtisası üzrə təhsil alıb. 2002-ci ildə Üzeyir Hacıbəyli adına Bakı Musiqi Akademiyasının (musiqişünaslıq ixtisası) bakalavr və 2004-cü ildə magistratura pillələrini fərqlənmə diplomları ilə bitirib.

2004-cü ildə Azərbaycan Milli Konservatoriyasının (AMK) Musiqinin tarixi və nəzəriyyəsi kafedrasında müəllim kimi fəaliyyətə başlayıb. 2008-ci ildə “Cahangir Cahangirov yaradıcılığının üslub xüsusiyyətləri” mövzusunda sənətşünaslıq üzrə fəlsəfə doktorluğu dissertasiyasını müdafiə edib. 2022-ci ildə həmin kafedranın professoru vəzifəsinə seçilib.

O, 2013–2023-cü illərdə AMK-nın İfaçılıq və Musiqi sənəti fakültələrinin dekanı vəzifələrində çalışıb. 2023-cü ildən son təyinatadək konservatoriyadakı İmtahan Mərkəzinin rəhbəridir.

L.Quliyeva “Xarici musiqi tarixi”, “Musiqi tarixi”, “Müasir musiqi” proqramlarının, bəstəkarlar Azər Rzayev və Həsən Rzayevlə bağlı kitabçaların, “Cahangir Cahangirov” adlı monoqrafiya və digər nəşrlərin müəllifidir. ]]> admin Wed, 14 May 2025 09:30:09 +0400 https://qanunmedia.az/medeniyyet/1261-mdniyyt-nazirliyi-il-ada-universiteti-yaradc-mrkz-layihsi-uzr-mkdalq-edck.html https://qanunmedia.az/medeniyyet/1261-mdniyyt-nazirliyi-il-ada-universiteti-yaradc-mrkz-layihsi-uzr-mkdalq-edck.html ]]>
Qanunmedia.az Trend-ə istinadən xəbər verir ki, bu barədə Mədəniyyət Nazirliyi məlumat yayıb.

Bildirilib ki, sənədi ADA Universitetinin rektoru professor Hafiz Paşayev və mədəniyyət naziri Adil Kərimli imzalayıblar.

Memorandum ADA Universiteti ilə “Yaradıcı Mərkəz” arasında nəzəri və təcrübi biliklərin artırılması sahəsində əməkdaşlığı ehtiva edir.

Qeyd edək ki, Mədəni və Yaradıcı Sənayelərin İnkişafı Mərkəzi (Yaradıcı Mərkəz) Prezident İlham Əliyevin 22 iyul 2022-ci il tarixli Sərəncamı ilə təsdiq olunmuş “Azərbaycan Respublikasının 2022-2026-cı illərdə sosial-iqtisadi inkişaf Strategiyası”na dair Tədbirlər Planının icrası məqsədilə 2024-cü ildə Mədəniyyət Nazirliyi tərəfindən təsis olunub. ]]> admin Thu, 17 Apr 2025 09:52:46 +0400 https://qanunmedia.az/medeniyyet/1260-ada-universitetinin-rektoru-hafiz-paayev-yaradc-mrkzd-yaradlan-raitl-tan-olub.html https://qanunmedia.az/medeniyyet/1260-ada-universitetinin-rektoru-hafiz-paayev-yaradc-mrkzd-yaradlan-raitl-tan-olub.html ]]>
Qanunmedia.az Trend-ə istinadən xəbər verir ki, bu barədə Mədəniyyət Nazirliyi məlumat yayıb.

Qeyd edilib ki, mədəniyyət naziri Adil Kərimli Hafiz Paşayevə Yaradıcı Mərkəzdə yaradılan şərait barədə məlumat verib.

Bildirilib ki, Mərkəzin əsas məqsədi gənc istedadları dəstəkləmək, onların bacarıqlarını artırmaq və yaradıcılıq potensialının reallaşdırılmasına şərait yaratmaq, mədəni və yaradıcı sənayelər sahəsində layihələr həyata keçirmək, bu sahədə yeni startapların formalaşmasına, sahibkarlıq subyektlərinin inkişafına dəstək verməkdir. Həmçinin, yerli yaradıcı məhsul və xidmətlərin yaradılması və ixracının artırılması məqsədi ilə regionlardan istedadlı gəncləri cəlb etməkdir.

Hazırda Yaradıcı Mərkəz bir sıra layihələr, inkubasiya proqramları həyata keçirir - Musiqi, “Gametech”, “Cultech”. Bu proqramlar çərçivəsində artıq yeni 20-dən çox startap yaradılıb və ümumilikdə 100-dək rezident Mərkəzin xidmətlərindən istifadə edir.

Adil Kərimli qeyd edib ki, Mərkəzdə animasiya, musiqi və kino sənayesi, dizayn, yaradıcılıq sahələrində, “Ai4Art” layihəsi çərçivəsində süni intellektin istifadəsi üzrə ustad dərsləri və təlimlər keçirilib. Bu təhsil proqramlarında 200-dən çox gənc iştirak edib. Mərkəzin tərkibinə, həmçinin “Yaradıcı Market” bazar platforması, “Yaradıcı Edu.az” tədris mərkəzi də daxildir.

Daha sonra qonaq Mərkəzin müasir texnologiyalarla təchiz olunmuş foto və video, səsyazma, animasiya, rəqs və digər studiyaları ilə tanış olub.

Mədəniyyıt Nazirliyi tərəfindən həyata keçirilən “Xüsusi təqaüd Proqramı haqqında Hafiz Paşayevə ətraflı məlumat verilib. Həmçinin bildirilib ki, Yaradıcı Mərkəzin tərəfdaşları arasında həm yerli qurumlar, təşkilatlar, həm də xarici beynəlxalq təşkilatlar yer alır.

Bundan başqa, Mərkəzin rezidentləri öz startapları haqqında qonağa ətraflı məlumat veriblər.
Sonda Azərbaycan Respublikası Mədəniyyət Nazirliyi ilə ADA Universiteti
arasında “Yaradıcı Mərkəz” layihəsi çərçivəsində nəzəri və təcrübi biliklərin artırılmasına dair birgə əməkdaşlıq haqqında ANLAŞMA MEMORANDUMU imzalanıb.

Qeyd edək ki, Mədəni və Yaradıcı Sənayelərin İnkişafı Mərkəzi (Yaradıcı Mərkəz) 2022-ci il 22 iyulda Azərbaycan Prezidentinin Sərəncamı ilə təsdiqlənib. Mərkəz “Azərbaycan Respublikasının 2022-2026-cı illərdə sosial-iqtisadi inkişaf Strategiyası”na dair Tədbirlər Planının icrası məqsədilə 2024-cü ildə Mədəniyyət Nazirliyi tərəfindən təsis edilib. ]]> admin Thu, 17 Apr 2025 09:50:32 +0400 https://qanunmedia.az/medeniyyet/1209-heydr-liyev-fondunun-vitse-prezidenti-leyla-liyevann-tbbusu-il-nizami-kino-mrkzind-sndli-film-numayi-olunub-foto.html https://qanunmedia.az/medeniyyet/1209-heydr-liyev-fondunun-vitse-prezidenti-leyla-liyevann-tbbusu-il-nizami-kino-mrkzind-sndli-film-numayi-olunub-foto.html ]]>
Qanunmedia.az Trend-ə istinadən xəbər verir ki, tədbirin açılışında nümayişə qatılan 400-ə yaxın gəncə məsuliyyətli istehlakın əhəmiyyəti, mövcud istehlak mədəniyyətinin ətraf mühitə uzunmüddətli təsirləri, eləcə də gənclərin ekoloji davamlılığa töhfə vermələri üçün gündəlik həyatlarında necə daha məsuliyyətli ola biləcəkləri barədə ətraflı məlumat verilib. Bildirilib ki, ekoloji maarifləndirmə və hər bir fərdin istehlak vərdişlərində edəcəyi dəyişikliklər bu sahədə davamlı inkişafa yol aça bilər və gənclər bu prosesin aparıcı qüvvəsinə çevrilməlidir. Bu xüsusda, IDEA tərəfindən həyata keçirilən tədbir və layihələrin ekoloji düşüncə tərzinin formalaşdırılması, gənclərin maarifləndirilməsi, eləcə də sağlam və dayanıqlı həyat tərzinin təşviqi baxımından mühüm əhəmiyyət daşıdığı vurğulanıb.

Daha sonra sənədli film nümayiş olunub.

Qeyd edək ki, “İndi al! Müştəriyə tələ” sənədli filmi Böyük Britaniyanın “Grain Media” şirkəti tərəfindən istehsal olunub. Rejissor Nik Steysinin ekranlaşdırdığı sənədli filmdə aparıcı beynəlxalq korporasiyalar və elektron ticarət platformaları tərəfindən tətbiq olunan marketinq strategiyaları, müasir istehlak vərdişlərinin ətraf mühitə mənfi təsiri və sözügedən problemin aradan qaldırılması yolları barədə bəhs edilir. Bir sıra qlobal şirkətlərdə müxtəlif rəhbər vəzifələrdə çalışmış şəxslərlə aparılan müsahibələr, müvafiq statistik məlumatlar və nümunələr vasitəsilə bu tendensiyaların doğurduğu risklər filmdə ətraflı işıqlandırılıb.

IDEA İctimai Birliyi hər kəsi gündəlik həyatında məsuliyyətli istehlak vərdişlərini formalaşdırmağa, eləcə də daha yaşıl və dayanıqlı gələcək naminə birgə addımlar atmağa çağırır.

]]> admin Thu, 10 Apr 2025 10:30:37 +0400 https://qanunmedia.az/medeniyyet/881-oskar-mukafatnn-qaliblri-elan-olundu.html https://qanunmedia.az/medeniyyet/881-oskar-mukafatnn-qaliblri-elan-olundu.html ]]>
Qanunmedia.az Trend-ə istinadən xəbər verir ki, ilin ən yaxşı filmi nominasiyasına Şon Beykerin “Anora” adlı bədii filmi layiq görülüb.

Mayki Medisonun baş rola çəkildiyi film Brayton-Biçdə seks işçisi olan bir rusdilli qadının acı taleyindən bəhs edir.
Aktrisa, eyni zamanda, ən yaxşı qadın obrazı nominasiyasında “Oskar” mükafatına layiq görülüb. Filmin rejissoru Şon Beyker isə ən yaxşı rejissor seçilib.

Adıçəkilən kinodram, bundan başqa, ən yaxşı orijinal ssenari və ən yaxşı montaj nominasiyalarının qalibi olub. Flm ümumilikdə 5 “Oskar” heykəlciyinə yiyələnib.

Ən yaxşı aktyor nominasiyasında “Brutalist” filində canlandırdığı yəhudi əsilli memar obrazına görə Edrion Brodi layiq görülüb. Ən yaxşı ikinci dərəcəli aktrisa və aktyor nominasiyalarında isə müvafiq olaraq Zoy Saldana və Kyiran Kalkin qalib gəliblər. ]]> admin Mon, 03 Mar 2025 09:22:23 +0400