ABŞ Mərkəzi Komandanlığının (CENTCOM) qüvvələri iyulun 23-də Şərq vaxtı ilə saat 21:00-da (Bakı vaxtı ilə saat 05:00-da) İrana qarşı zərbələrin ardıcıl 13-cü gecəsini uğurla başa vurub.
Qanunmedia.az Trend-ə istinadən xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) "X" sosial şəbəkəsində məlumat verib.
"CENTCOM İranın hərbi komanda mərkəzlərini, pilotsuz uçuş aparatlarının saxlanıldığı obyektləri, rabitə şəbəkələrini, sahil müşahidə məntəqələrini və dəniz imkanlarını hədəfə alaraq, İranın Hörmüz boğazından keçən mülki dənizçilər və kommersiya gəmiləri üçün yaratdığı təhlükəni daha da azaltmağa çalışıb.
İranın İslam İnqilabı Keşikçiləri Korpusunun son hücumlarına baxmayaraq, bu beynəlxalq su yolu gəmiçilik üçün açıq qalır. ABŞ hərbçilərinin dəstəyi ilə kommersiya gəmiləri Hörmüz boğazından sərbəst şəkildə hərəkət etməyə davam edir.
Hazırda Yaxın Şərqdə 50 mindən çox ABŞ hərbçisi xidmət aparır", - deyə məlumatda bildirilir.