Rusiyanın Ukraynaya qarşı başladığı müharibə nəticəsində indiyədək 55 min ukraynalı hərbçi həlak olub.
Qanunmedia.az Trend-ə istinadən xəbər verir ki, bu barədə Ukrayna Prezidenti Volodimir Zelenski “France 2” telekanalına müsahibəsində bildirib.
Prezidentin sözlərinə görə, döyüş meydanında həlak olan hərbçilərin — həm peşəkar hərbçilərin, həm də səfərbər olunmuş şəxslərin — rəsmi sayı 55 min nəfərdir.
Volodimir Zelenski, eyni zamanda, Ukraynanın itkin düşmüş hesab etdiyi çox sayda insanın da olduğunu vurğulayıb.