Gecə saatlarında Cəbrayılda baş verən yanğın zamanı 80 hektar ərazi yanıb.
Qanunmedia.az Trend-ə istinadən xəbər verir ki, yanğın rayonun iki kəndi - Aşağı Maralyan və Şükürbəyli ərazisində baş verib.
Hadisə yerinə çağrılan FHN-nin Cəbrayıl, Qubadlı, Zəngilan və Füzuli rayon yanğınsöndürən əməkdaşları yanğını 02:30 radələrində söndürüb.
Yanğının başvermə səbəbi araşdırılır.
Qeyd edək ki, dünən Cəbrayıl rayonunda boş ərazidə güclü yanğın başlamışdı.